მოჯტაბა ჰამენეის სამხედრო მრჩეველი: ნებისმიერი ქვეყანა, რომელიც ჩვენ წინააღმდეგ ეკონომიკური შეზღუდვების დაწესებაში მონაწილეობას მიიღებს, მტრად ჩაითვლება

ნებისმიერი ქვეყანა, რომელიც მონაწილეობას მიიღებს ჩვენ წინააღმდეგ ეკონომიკური შეზღუდვების დაწესებაში, მტრად ჩაითვლება, - განაცხადა ირანის ეროვნული უსაფრთხოების უზენაესი საბჭოს მდივანმა და ირანის უზენაესი ლიდერის, მოჯტაბა ჰამენეის სამხედრო მრჩეველმა, მოჰსენ რეზაიმ. მისივე თქმით, თუ შტატების პრეზიდენტი, დონალდ ტრამპი შემდგომ მოქმედებას გადაწყვეტს, ირანის პასუხი სეისმური მასშტაბის იქნება.

„პირველ რიგში, ჩვენს ყველა მეზობელ და მსოფლიოს ყველა ქვეყანას ვეტყვით - არ შეუერთდეთ შეერთებულ შტატებს მის ეკონომიკურ ომში. ნებისმიერი ქვეყანა, რომელიც ჩვენ წინააღმდეგ ეკონომიკური შეზღუდვების დაწესებაში მონაწილეობას მიიღებს, მტრად ჩაითვლება. რა თქმა უნდა, თავდაპირველად მათთან მოლაპარაკებას გავმართავთ, დაველაპარაკებით და ვეტყვით, რომ განზე გადგნენ და შეერთებული შტატებისგან დისტანცირდნენ, მაგრამ თუ ამას არ გააკეთებენ, მათ დავარტყამთ“, - განაცხადა მან.

ამასთან, ირანული მედია ქვეყნის თავდაცვის სამინისტროს წარმომადგენელზე დაყრდნობით იუწყება, რომ თეირანმა სამხედრო შეიარაღებისა და ტექნიკის წარმოება გააორმაგა.