მარკო რუბიო: უკრაინაში მიმდინარე ომმა რუსეთსა და აშშ-ს სხვა საკითხებზე შეთანხმების მიღწევის შესაძლებლობა მნიშვნელოვნად შეუზღუდა

აშშ-ის სახელმწიფო მდივნის მარკო რუბიოს განცხადებით, უკრაინაში მიმდინარე ომმა რუსეთსა და აშშ-ს სხვა საკითხებზე შეთანხმების მიღწევის შესაძლებლობა მნიშვნელოვნად შეუზღუდა.

როგორც რუბიომ ჟურნალისტებთან საუბრისას აღნიშნა, რუსეთისთვის კარგი იქნება, თუ ეს ომი დასრულდება. მისი განცხადებით, ვაშინგტონი მზად არის აღნიშნული ომის დასრულების პროცესში კონსტრუქციული როლი შეასრულოს.

„ვფიქრობ, უკრაინაში მიმდინარე ომმა რუსეთსა და აშშ-ს სხვა საკითხებზე შეთანხმების მიღწევის შესაძლებლობა მნიშვნელოვნად შეუზღუდა. ვგულისხმობ იმას, რომ გვსურს პოტენციური თანამშრომლობის სფეროები აღმოვაჩინოთ. ვფიქრობთ, რუსეთისთვის კარგი იქნება, თუ ეს ომი დასრულდება. როგორც ვთქვი, აშშ კვლავ ღიაა და მზად არის, აღნიშნული ომის დასრულების პროცესში კონსტრუქციული როლი შეასრულოს, თუ ამის შესაძლებლობა გაჩნდება“, - განაცხადა რუბიომ.