მარკო რუბიო: რუსეთთან დიალოგის არქონა ჩვენი მხრიდან იქნებოდა უგუნური და უპასუხისმგებლო ნაბიჯი

აშშ-ის სახელმწიფო მდივნის მარკო რუბიოს განცხადებით, ამერიკის მხრიდან რუსეთთან დიალოგის არქონა უგუნური და უპასუხისმგებლო ნაბიჯი იქნებოდა.

როგორც აშშ-ის პირველმა დიპლომატმა განაცხადა, რუსეთი და ამერიკა დედამიწაზე ორი უმსხვილესი ბირთვული სახელმწიფოა, შესაბამისად, არსებული განსხვავებების მიუხედავად, ორმა ქვეყანამ დიალოგი უნდა აწარმოოს.

„საქმე ძალიან მარტივადაა. თქვენ იცით, რომ ჩვენ ვართ დედამიწაზე ორი უმსხვილესი ბირთვული სახელმწიფო. [რუსეთთან] დიალოგის არქონა ჩვენი მხრიდან იქნებოდა უგუნური და უპასუხისმგებლო ნაბიჯი. რუსეთის მთავრობასთან ურთიერთობები უნდა გვქონდეს, მიუხედავად იმისა, რომ უთანხმოებები გვაქვს“, - განაცხადა რუბიომ.