უკრაინაში სირსკის გადადგომას ითხოვენ

უკრაინაში თავდაცვის მინისტრის თანამდებობიდან მიხაილ ფედოროვის გათავისუფლებით გამოწვეული კრიზისის ფონზე, მისი მხარდამჭერები პრეზიდენტ ზელენსკისგან შეიარაღებული ძალების მთავარსარდლის, გენერალ ოლექსანდრ სირსკის გადადგომას ითხოვენ.

„თუ პარასკევამდე, 24 ივლისამდე, სირსკი არ იქნება გადაყენებული და ფედოროვი არ იქნება წარდგენილი თავდაცვის მინისტრის პოსტზე, ჩვენ დავიწყებთ უვადო სრულიად უკრაინულ საპროტესტო აქციას“, - დაწერა სოციალურ ქსელში ფედოროვის არმიის ვეტერანმა დმიტრო კოზიატინსკიმ.

მანამდე ქვეყანაში სხვა აქციები დაგეგმილი არ არის, თუმცა ფედოროვის გადაყენების შემდეგ უკრაინაში მისი მხარდამჭერი აქციები პრაქტიკულად ყოველდღე იმართებოდა.

უცხოურ მედიაში ვრცელდებოდა ცნობები, რომ ზელენსკი სირსკის შემცვლელების კანდიდატურებზე მსჯელობდა, თუმცა უკრაინის გენერალურმა შტაბმა სირსკის თანამდებობიდან გადაყენების შესახებ გავრცელებულ ცნობები უარყო.