ანა პაულინა ლუნა: პრეზიდენტი ტრამპი დაუღალავად შრომობს, რომ რუსეთსა და უკრაინას შორის მშვიდობას მიაღწიოს. თუმცა, ევროკავშირში ჯერ კიდევ არიან ისინი, ვინც ომის გახანგრძლივებას და მასში ამერიკის შეერთებული შტატების ჩათრევას ცდილობენ

ამერიკელი კონგრესმენის განცხადებით, ევროკავშირში ჯერ კიდევ არიან ისეთი აქტორები, რომლებიც ომის გახანგრძლივებას და ამერიკის შეერთებული შტატების უცხოურ კონფლიქტში ჩათრევას ცდილობენ. წარმომადგენელთა პალატის წევრი ანა პაულინა ლუნა, პრეზიდენტ დონალდ ტრამპის სამშვიდობო ძალისხმევას ეხმიანება. ზელენსკი-ტრამპის შეხვედრის შემდეგ, ამერიკელი კანონმდებელი სოციალურ ქსელში წერს, რომ უკრაინასა და რუსეთს შორის სამშვიდობო შეთანხმების მიღწევას დიფ სთეითი უშლის ხელს.

„დიფ სთეითისგან რეპუტაციის შელახვის მცდელობისა და სამხედრო-ინდუსტრიული კომპლექსის მხრიდან წინააღმდეგობის მიუხედავად, პრეზიდენტი ტრამპი დაუღალავად შრომობს, რომ რუსეთსა და უკრაინას შორის მშვიდობას მიაღწიოს. თუმცა, ევროკავშირში ჯერ კიდევ არიან ისინი, ვინც ომის გახანგრძლივებას და მასში ამერიკის შეერთებული შტატების ჩათრევას ცდილობენ. ეს დაუდევარი საქციელია, რომელსაც ვერ და არ დავუშვებთ“, - წერს ლუნა.