ევროპული საბჭოს პრეზიდენტი: ევროკავშირი არ შეეგუება პოლიტიკურ ჩარევას - ვაშინგტონს არ აქვს უფლება ევროპელი მოქალაქეების სახელით აირჩიოს, რომელი პოლიტიკაა სწორი ან ვის უნდა მისცენ ხმა

ევროპული საბჭოს პრეზიდენტმა, ანტონიუ კოშტამ განაცხადა, რომ ევროკავშირი არ შეეგუება პოლიტიკურ ჩარევას, რითაც უპასუხა აშშ-ის ეროვნული უსაფრთხოების სტრატეგიას, რომელიც გაფრთხილებას შეიცავს ევროკავშირის საშინაო პოლიტიკის შედეგად მოსალოდნელი „ცივილიზაციური წაშლის“ შესახებ.

კოშტამ აღნიშნა, რომ ვაშინგტონს არ აქვს უფლება ევროპელი მოქალაქეების სახელით აირჩიოს, რომელი პოლიტიკაა სწორი ან ვის უნდა მისცენ ხმა.

„მოკავშირეები არ იმუქრებიან პოლიტიკურ ცხოვრებაში ან სხვა მოკავშირეების შიდა დემოკრატიულ არჩევანში ჩარევით. აშშ-ს არ შეუძლია ევროპა ჩაანაცვლოს, რათა თქვას, თუ როგორი ხედვა გვაქვს ჩვენ და რა არის გამოხატვის თავისუფლება“, - განაცხადა მან.

მისი თქმით, აშშ რჩება მოკავშირედ და პარტნიორად, მაგრამ ევროპა უნდა გახდეს უფრო ძლიერი და სუვერენული.