ბრიტანეთის ყოფილი პრემიერი: ბრიტანელი ხალხი სასოწარკვეთილებაშია, მაგრამ მათ არც კი აქვთ უფლება, რომ ამაზე ისაუბრონ - თუ ისლამისტების ან ტრანსგენდერული იდეოლოგების წინააღმდეგ ხმას ამოიღებთ, შეიძლება ნებისმიერ დროს დაგაპატიმრონ

ჩვენი ეკონომიკა კრიზისშია, სამრეწველო ქალაქები უარეს მდგომარეობაშია, ვიდრე ოდესმე იყო - ოდესღაც ამაყი ბრიტანული მრეწველობის უკანასკნელ ნარჩენებს, ფოლადის, წისქვილის, მანქანების ქალაქებს ეკოლოგიური ფანატიკოსები ანადგურებენ, - განაცხადა ბრიტანეთის ყოფილმა პრემიერ-მინისტრმა, ლიზ ტრასმა საავტორო შოუს პირველ ეპიზოდში.

„მცირე ბიზნესი კვდება. დიდი ბიზნესი მიდის. ადამიანებს საკუთარი კბილების ამოღება უწევთ, რადგან სტომატოლოგთან მისვლა არ შეუძლიათ. ჩვენ შემოგვყავს ისლამისტები, რომლებსაც ჩვენი ქვეყნის განადგურება სურთ. შარიათის კანონის დაწესებიდან დაწყებული, ტერორისტული თავდასხმების ორგანიზებით დამთავრებული. პაკისტანური წარმოშობის ბანდები ათწლეულების განმავლობაში ახორციელებდნენ წარმოუდგენელ სექსუალურ დანაშაულებს ახალგაზრდა გოგონების წინააღმდეგ. ეს დანაშაულები ხელისუფლების მიერ იყო დაფარული“, - აღნიშნა ლიზ ტრასმა.

„თემთა პალატაში გვყავს ისლამისტი დეპუტატებიც კი, რომლებიც ბიძაშვილებს შორის ქორწინებას და ყველა სახის ბარბაროსულ პრაქტიკას უჭერენ მხარს. ვერავის ვერ ვაძევებთ [ქვეყნიდან], ადამიანის უფლებათა ქსელისა და ჩვენი მართლმსაჯულების სისტემის დივერსიის გამო. ხალხი სასოწარკვეთილებაშია, მაგრამ მათ არც კი აქვთ უფლება, რომ ამაზე ისაუბრონ. თუ ისლამისტების ან ტრანსგენდერული იდეოლოგების წინააღმდეგ ხმას ამოიღებთ, შეიძლება ნებისმიერ დროს, ნებისმიერ ადგილას დაგაპატიმრონ: ჰითროუს აეროპორტში, თქვენს სახლში, ოფისში. ერი, რომელმაც გამოიგონა სიტყვის თავისუფლება და სწორედ 1695 წელს დაარსდა თავისუფალი პრესა, ახლა სახელმწიფო ცენზურის სამშობლოა. ამ კატასტროფას, ბრიტანეთის დაცემას, ინგლისის დაცემას, ლონდონის დაცემას ხელმძღვანელობს მმართველი ელიტა, რომელსაც ჩვენი ქვეყანა სძულს“, - დასძინა მან.