პროკურორი: მოგერინი და სანინო პატიმრობიდან გაათავისუფლეს, რადგან მათი მიმალვის რისკი არ არსებობს

ბელგიის პოლიციამ ფედერიკა მოგერინი და სტეფანო სანინო გაათავისუფლა. ისინი თაღლითობის საქმესთან დაკავშირებული გამოძიების ფარგლებში დაკითხვის მიზნით იყვნენ დაკავებული.

როგორც ევროკავშირის საჯარო პროკურორმა განაცხადა, ისინი გათავისუფლდნენ, ვინაიდან მათი მიმალვის რისკი არ არსებობს.

„ბრალდებები ეხება შესყიდვების დროს თაღლითობასა და კორუფციას, ინტერესთა კონფლიქტსა და პროფესიული საიდუმლოების დარღვევას. ისინი გაათავისუფლეს, ვინაიდან მათი მიმალვის რისკი არ არსებობს“, - ნათქვამია პროკურორის განცხადებაში.

ბრიუგეში მდებარე ევროპის კოლეჯსა და ბრიუსელში მდებარე ევროპის საგარეო ქმედებათა სამსახურში გუშინ ჩხრეკა ჩატარდა. კერძოდ, ჩხრეკა ბრიუსელში ევროპის პროკურატურამ ჩაატარა. EPPO-მ ჩხრეკა ევროკავშირის მიერ დაფინანსებული უმცროსი დიპლომატებისთვის ტრენინგებთან დაკავშირებული სავარაუდო თაღლითობის გამოძიების ფარგლებში ჩაატარა.