იუსტიციის საკითხებში ევროკომისარი: არ ვფიქრობ, რომ ისტორია კეთილგანწყობილი იქნება რუსეთის მიერ უკრაინაში ჩადენილი დანაშაულების მივიწყების ნებისმიერი მცდელობის მიმართ

გამოცემა POLITICO-სთვის მიცემულ ინტერვიუში, იუსტიციისა და დემოკრატიის საკითხებში ევროკომისარმა, მაიკლ მაკგრატმა განაცხადა, რომ მომლაპარაკებლებმა უნდა უზრუნველყონ, რომ ცეცხლის შეწყვეტის მოთხოვნა რუსეთის მიერ სისხლისსამართლებრივი დევნისთვის თავის არიდებით არ დასრულდეს.

„არ ვფიქრობ, რომ ისტორია კეთილგანწყობილი იქნება რუსეთის მიერ უკრაინაში ჩადენილი დანაშაულების მივიწყების ნებისმიერი მცდელობის მიმართ. ისინი პასუხისგებაში უნდა მიეცნენ ამ დანაშაულებისთვის და ეს იქნება ევროკავშირის მიდგომა ყველა დისკუსიაში“, - აღნიშნა ევროკომისარმა.

„თუ ჩვენ ამას გავაკეთებდით, თუ ამ დანაშაულებისთვის დაუსჯელობის უფლებას მივცემდით, ჩვენ შემდეგი აგრესიისა და მომდევნო შეჭრის თესლს დავთესავდით. და მე მიმაჩნია, რომ ეს იქნებოდა უზარმაზარი მასშტაბის ისტორიული შეცდომა“, - დასძინა მან.