ტრამპი აშშ-ის გენერალურ პროკურორს სთხოვს, გამოიძიოს ჯეფრი ეპშტეინის კავშირები ბილ კლინტონთან და სხვა „დემოკრატებთან“

აშშ-ის პრეზიდენტი დონალდ ტრამპი გენერალურ პროკურორს პემ ბონდის სთხოვს, გამოიძიოს ჯეფრი ეპშტეინის კავშირები ყოფილ პრეზიდენტთან ბილ კლინტონთან და სხვა „დემოკრატებთან“.

“ვთხოვ გენერალურ პროკურორს პემ ბონდის, იუსტიციის დეპარტამენტს და ჩვენს დიდებულ პატრიოტებს გამოძიების ფედერალურ ბიუროში, გამოიძიონ ჯეფრი ეპშტეინის ურთიერთობები ბილ კლინტონთან, ლარი სამერსთან, რიდ ჰოფმანთან, ბანკ JP Morgan Chase-თან და მრავალ სხვა ადამიანსა და ინსტიტუტთან, რათა გაირკვეს, თუ რა ხდებოდა მათ შორის“, - წერს ტრამპი თავის სოციალურ ქსელში.

ცნობისთვის, წარმომადგენელთა პალატის ზედამხედველობის კომიტეტის „დემოკრატიული“ პარტიის წევრებმა გაასაჯაროვეს სექსუალურ სკანდალში მხილებული მილიარდერის ჯეფრი ეპშტეინის ელექტრონული მიმოწერა, რომელშიც პრეზიდენტი ტრამპი რამდენჯერმე არის ნახსენები. ერთ-ერთ წერილში, რომელიც 2011 წლით თარიღდება, ეპშტეინი წერს, რომ ტრამპი მის სახლში დიდ დროს ატარებს სექსუალური ტრეფიკინგის მსხვერპლთან ერთად.