ბერკლის კალიფორნიის უნივერსიტეტთან „ანტიფას“ მიერ კონსერვატორი აქტივისტების წინააღმდეგ გამართულ პროტესტს, რომელიც სიტყვიერ და ფიზიკურ ძალადობაში გადაიზარდა, ამერიკის იუსტიციის დეპარტამენტი გამოიძიებს

ბერკლის კალიფორნიის უნივერსიტეტთან მოძრაობა „ანტიფას“ მიერ კონსერვატორი აქტივისტების წინააღმდეგ გამართულ პროტესტს, რომელიც სიტყვიერ და ფიზიკურ ძალადობაში გადაიზარდა, ამერიკის იუსტიციის დეპარტამენტი გამოიძიებს.

გენერალური პროკურორის პემ ბონდის განცხადებით, „ანტიფა“ შეერთებული შტატებისთვის ეგზისტენციალურ საფრთხეს წარმოადგენს.

ბონდის თქმით, გამოძიების ფედერალური ბიუროს ტერორიზმთან ბრძოლის დანაყოფი გამოააშკარავებს ყველას, ვინც პოლიტიკურ ძალადობას უწევს ორგანიზებას.

იუსტიციის დეპარტამენტმა „ანტიფას“ პროტესტის მონაწილეები შესაძლოა სიძულვილით მოტივირებული დანაშაულის მუხლით გაასამართლონ.

გამოძიება დაწყებულია კალიფორნიის უნივერსიტეტის წინააღმდეგაც, რომელსაც მოკლული ამერიკელი კონსერვატორის ჩარლი კირკის ხსოვნისადმი მიძღვნილ ღონისძიებაზე დამსწრეთა უსაფრთხოებისთვის არასაკმარისი ზომების მიღებას ედავებიან.

„ანტიფას“ ძალადობრივი ბრბოს თავდასხმას გამოიძიებს ტერორიზმთან ბრძოლის ერთიანი დანაყოფი, პროკურატურა და FBI, მით უმეტეს, რომ ამ თავდასხმებს ტერორიზმის კვალიფიკაცია აქვს. უნდა დავადგინოთ, რა მოხდა. კალიფორნიის უნივერსიტეტში ამ ღონისძიებაზე შეიკრიბნენ კონსერვატორი აქტივისტები. უნივერსიტეტმა წინასწარ იცოდა, რომ ყველა ბილეთი გაყიდული იყო, თუმცა ვერ დაიცვეს ადამიანების უსაფრთხოება“, - განაცხადა აშშ-ის გენერალური პროკურორის თანაშემწემ ჰარმიტ დილონმა Fox News-ის ეთერში.