კახა ცხადაძეს დისკვალიფიკაცია მისცეს

"ქაირათის" მთავარი მწვრთნელი კახა ცხადაძე დისკვალიფიკაციითა და ფინანსური სანქციით დაისაჯა. ამის შესახებ vesti.kz წერს.

ქართველ სპეციალისტს ყაზახეთის პრემიერლიგის შეხვედრაში "აკჟაიკთან" 87-ე წუთზე გულშემატკივრების მისამართით შეურაცხმყოფელი ჟესტების ჩვენების გამო 2-მატჩიანი დისკვალიფიკაცია და ჯარიმის სახით 300 000 ტენგეს გადახდა დაეკისრა.

გადაწყვეტილება ევროპა ლიგის მატჩებზე არ ვრცელდება. აღნიშნული მატჩი "ქაირათმა" მინიმალური ანგარიშით 1:0 მოიგო.