პერუში ციხის ბუნტს 9 პატიმარი ემსხვერპლა

პერუს დედაქალაქ ლიმაში ციხის ბუნტის შედეგად 9 პატიმარი დაიღუპა, პატიმრები ციხეში ანტისანიტარიას აპროტესტებდნენ, - ამის შესახებ ინფორმაციას BBC ავრცელებს.

აღსანიშნავია, რომ ამავე ციხეში ბუნტამდე 2 პატიმარი კორონავირუსით დაიღუპა.

ბუნტის შედეგად 60 მცველი, 5 პოლიციელი და 2 პატიმარი დაშავდა.

მიგელ კასტროს სახელობის ციხეში მომხდარი ბუნტი ახლა უკვე კონტროლს ექვემდებარება.

აჯანყება პერუს სხვა ციხეებშიც მოხდა, რის ერთ-ერთ მიზეზადაც კორონავირუსი სახელდება, რადგან ციხეებში ჯამში 600 კოვიდინფიცირებული პატიმარია, საიდანაც 13 გარდაიცვალა.