იტალია პირველი ქვეყანა იქნება სადაც სკოლებში კლიმატური ცვლილებების შესწავლა სავალდებულო გახდება

იტალია პირველი ქვეყანა გახდება, სადაც სკოლებში კლიმატური ცვლილებების, როგორც საგნად სწავლება სავალდებულო იქნება. ამის შესახებ Telegraph-ი წერს.

გამოცემით ცნობით, ინიციატივის ავტორი ქვეყნის განათლების სამინისტროა, რომლის ხელმძღვანელის ლორენცო ფიორამონტის თქმით, მომავალი წლის სექტემბრიდან სკოლის მოსწავლეები კვირაში ერთ საათს კლიმატურ ცვლილებებზე მსჯელობას დაუთმობენ.

„ეს არის სამოქალაქო განათლების ახალი მოდელი, რომელიც ორიენტირებულია მდგრადი განვითარებისა და კლიმატის ცვლილების შესახებ”, - განუცხადა მინისტრმა გამოცემას.

მისივე თქმით, საგნის პროგრამა გაეროს წესდების თანახმად შემუშავდება, რომელიც კლიმატის ცვლილების საკითხებს და გარემოს დაცვას ეხება. მისი სწავლა ქვეყნის მასშტაბით სავალდებულო იქნება.