ავღანეთის პრემიერმინისტრმა საპრეზიდენტო არჩევნებში გამარჯვების შესახებ განაცხადა

ავღანეთის პრემიერმინისტრმა აბდულა აბდულამ საპრეზიდენტო არჩევნებში საკუთარი გამარჯვების შესახებ განაცხადა. ამის შესახებ Al Jazeera წერს.

გამოცემის ინფორმაციით, აბდულა დარწმუნებულია, რომ არჩევნების მეორე ტური არ ჩატარდება. „ბოლო 2 დღის განმავლობაში არჩევნების შედეგებს ქვეყნის ყველა პროვინციაში ვამოწმებდით და დავასკვენით, რომ ხმების უმრავლესობა მოვიპოვეთ“, - განაცხადა აბდულამ.

ქვეყნის საარჩევნო კომისიაში პრემიერს განცხადებას ნაჩქარები უწოდეს. არჩევნების წინასწარი შედეგები 19 ოქტომბერს გამოქვეყნდება, საბოლოო კი 7 ნოემბერს.

29 სექტემბერს არჩევნებში გამარჯვების შესახებ აბდულას მთავარმა კონკურენტმა, ქვეყნის მოქმედმა პრეზიდენტმა აშრაფ ღანიმ განაცხადა.

საპრეზიდენტო არჩევნები ავღანეთში 28 სექტემბერს ჩატარდა. ქვეყანაში ამომრჩეველთა დაბალი აქტივობა დაფიქსირდა.