მორიგ აფეთქებას ქაბულში მსხვერპლი მოჰყვა

სულ მცირე 10 ადამიანი დაიღუპა და 40-ზე მეტი დაშავდა ავღანეთის დედაქალაქ ქაბულში აფეთქების შედეგად. ამის შესახებ Reuters-ი წერს. გამოცემის ინფორმაციით, აფეთქება ქალაქის ცენტრში, ერთ-ერთ ყველაზე დაცულ უბანში მოხდა, სადაც აშშ-ის საელჩო და სამთავრობო უწყებებია განლაგებული. ბომბი მანქანაში იყო დამონტაჟებული.

პასუხისმგებლობა მომხდარზე „თალიბანმა“ აიღო. ბოლო 3 დღის განმავლობაში ეს მოძრაობის მიერ ქაბულში განხორციელებული უკვე მეორე ტერაქტია.

აფეთქებები „თალიბანსა“ და აშშ-ს შორის სამშვიდობო შეთანხმებაზე მუშაობის ფონზე ხდება.