უკრაინელი დეპუტატები ხელშეუხებლობის იმუნიტეტით ვეღარ ისარგებლებენ

უკრაინის უმაღლესი რადის დეპუტატებს ხელშეუხებლობის იმუნიტეტი მოუხსნეს. კანონპროექტს მხარი 373-მა კანონმდებელმა დაუჭირა. ამის შესახებ უკრაინული მედია წერს.

ახალი რეგულაცია 1 იანვრიდან ამოქმედდება. კანონპროექტის მიღებას წინ უძღოდა რამდენიმესაათიანი დებატები, რომელშიც მონაწილეობა უკრაინის პრეზიდენტმა ვოლოდიმირ ზელენსკიმაც მიიღო.

პარლამენტის დეპუტატებისთვის იმუნიტეტის მოხსნის თაობაზე უკრაინაში რეფერენდუმი 2000 წელს ჩატარდა. მოსახლეობის 90-მა პროცენტმა კანონმდებლებისთვის ხელშეუხებლობის იმუნიტეტის მოხსნას მხარი დაუჭირა.