"მანდარინების" მთავარი როლის შემსრულებელი ლემბიტ ულფსაკი გარდაიცვალა

ფილმში "მანდარინები" მთავარი როლის შემსრულებელი, ესტონელი მსახიობი ლემბიტ ულფსაკი გარდაიცვალა. ამის შესახებ, Facebook-ზე ქართველი რეჟისორი ზაზა ურუშაძე წერს.  

"ძალიან დამწყდა გული, გარდაიცვალა მანდარინების მთავარი როლის შემსრულებელი, ჩემი უფროსი მეგობარი და არაჩვეულებრივი ადამიანი ლემბიტ ულფსაკი", - წერს ურუშაძე.
 

ზაზა ურუშაძის ფილმი "მანდარინები", ​2015 წელს, ამერიკის კინოაკადემიის გადაწყვეტილებით, ოსკარის 87-ე დაჯილდოვების ცერემონიაზე უცხოენოვანი ფილმის კატეგორიაში ნომინანტებს შორის ესტონეთმა ესტონეთმა წარადგინა.

"მანდარინები" 2013 წელს გადაიღეს. ფილმის პროექტმა 2012 წელს საქართველოს ეროვნული კინოცენტრისა და "ევრიმაჟის"- ევროპის საბჭოს კინოს განვითარების ფონდის, ფინანსური მხარდაჭერა მოიპოვა. ფილმში მოქმედება 90-იანი წლების დასაწყისში, აფხაზეთის ომის დროს ვითარდება.