მსახიობი ზაზა ბეჟაშვილი გარდაცვლილი იპოვეს

მსახიობი ზაზა (ზუზუ) ბეჟაშვილი გარდაცვლილი დოლიძის ქუჩაზე, საცხოვრებელი კორპუსის სადარბაზოში იპოვეს. ამის შესახებ ინფორმაცია თავდაპირველად სოციალურ ქსელში გავრცელდა.

მსახიობის გარდაცვალების ფაქტს შსს-ში ადასტურებენ. imedinews-ის ინფორმაციით, მას ძალადობის ნიშნები არ აღენიშნება.

პოლიციაში აცხადებენ, რომ ადგილზე გამომძიებლები უკვე მუშაობენ. ფაქტზე გამოძიება თვითმკვლელობამდე მიყვანის, სსსკ 115-ე მუხლით დაიწყო.