რეზო გაბრიაძის ისტორიებზე დაყრდნობით შვილმა ანიმაცია შექმნა

რეჟისორმა ლევან (ლეო) გაბრიაძემ სრულმეტრაჟიანი ანიმაციური ფილმი "იცი, დედა, სად ვიყავი?" შექმნა, რომელიც მამამისის, რეჟისორისა და მწერლის რეზო გაბრიაძის ჩანაწერებზეა დაფუძნებული. მულტფილმის მთავარი გმირი მეცნიერს დიმიტრი მენდელეევს, ვლადიმერ ლენინს, იოსებ სტალინს და ადოლფ ჰიტლერს ხვდება.

"ამ ისტორიებით გავიზარდე. არასდროს ვიცოდი, სად იყო სიმართლე და სად ტყუილი. მაგრამ მის ისტორიებში იყო იმდენი სიყვარული და სითბო, რომ ამას მნიშვნელობა არ ჰქონდა. რეზო ამას არასდროს წერდა და მე კი ისტორიების გაზიარება საზოგადოებისთვის მინდა. თითქმის 20 წელი ვოცნებობდი შემქმნა ეს ფილმი", - განაცხადა ლეო გაბრიაძემ.