საქართველოს კინემატოგრაფიის ეროვნული ცენტრი აცხადებს კონკურსს „საქართველოს რეგიონებში ქართული კინოს პოპულარიზაციისა და კინოჩვენებების ხელშეწყობა“

საქართველოს კინემატოგრაფიის ეროვნული ცენტრი აცხადებს კონკურსს „საქართველოს რეგიონებში ქართული კინოს პოპულარიზაციისა და კინოჩვენებების ხელშეწყობა“.
პროექტების წარდგენის ვადაა 1-14 სექტემბერი.

„პროექტი უნდა მოიცავდეს საქართველოს რეგიონებში არანაკლებ 8 კინოჩვენებას, სადაც წარმოდგენილი იქნება ეროვნული კინოცენტრის ფინანსური მხარდაჭერით შექმნილი ფილმები. თითოეული კინოჩვენების შემდეგ უზრუნველყოფილი უნდა იყოს შემოქმედებითი ჯგუფის წევრთან შეხვედრა ან ფილმის განხილვასა და დისკუსიაში მონაწილეობის შესაძლებლობა.

საკონკურსო კომისია დაკომპლექტებულია 5 წევრისგან. პროექტის შერჩევის კრიტერიუმები ითვალისწინებს პროექტის ავტორების გამოცდილებას, პროექტის მდგრადობას, ინოვაციურობას და მიზანთან შესაბამისობას.

კონკურსის საერთო ბიუჯეტია 50 ათასი ლარი. გამოყოფილი დაფინანსება იურიდიული პირების შემთხვევაში არ აღემატება 17 ათას ლარს, ფიზიკური პირებისთვის კი 8 ათას ლარს.

კონკურსზე “საქართველოს რეგიონებში ქართული კინოს პოპულარიზაციისა და კინოჩვენებების ხელშეწყობა” განაცხადები მიიღება ელექტრონულად, სსიპ საქართველოს კინემატოგრაფიის ეროვნული ცენტრის ელ. ფოსტაზე info@gnfc.ge. საკონკურსო პირობები და განაცხადების ფორმები 1 სექტემბრიდან განთავსებულია ცენტრის ვებგვერდზე www.gnfc.ge .
დამატებითი კითხვების შემთხვევაში, კონკურსანტს შეუძლია მიმართოს სსიპ საქართველოს კინემატოგრაფიის ეროვნული ცენტრის კინოხელოვნების პოპულარიზაციის სამსახურის უფროსს მანანა სურაძეს ელ.ფოსტაზე m.suradze@gnfc.ge“, - აღნიშნულია საქართველოს კინემატოგრაფიის ეროვნული ცენტრის მიერ გავრცელებულ ინფორმაციაში.