„ღამის სერენადების“ საფესტივალო კონცერტი ბათუმის დრამატულ თეატრში გაიმართა

ლიანა ისაკაძის სახელობის საერთაშორისო ფესტივალი „ღამის სერენადები 2026“ გრძელდება. ბორჯომის შემდეგ მომდევნო საფესტივალო კონცერტი ბათუმის დრამატულ თეატრში გაიმართა.

საღამოზე შესრულდა უვერტიურები საყოველთაოდ ცნობილი იტალიური ოპერებიდან. ფესტივალის ორკესტრს „საქართველოს ვირტუოზები“ იტალიელი დირიჟორი ბეატრიჩე ვენეცი ხელმძღვანელობდა.

წელს ღამის სერენადები მისი დამფუძნებლის, ლეგენდარული ქართველი მევიოლინისა და დირიჟორის, ლიანა ისაკაძის დაბადებიდან 80 წლის იუბილეს ეძღვნება. კონცერტები ბათუმში 23 და 25 აგვისტოს გაიმართება.

კლასიკური მუსიკის შედევრებს უცხოელი და ქართველი ვარსკვლავები წარმოადგენენ. დასკვნითი საფესტივალო საღამოები სექტემბერში თბილისში შედგება.