ზაქარია ფალიაშვილის ბიოგრაფიული წიგნის პრეზენტაცია გაიმართა

ზაქარია ფალიაშვილის მემორიალურ სახლ-მუზეუმში ბიოგრაფიული წიგნის"ზაქარია ფალიაშვილი-ცხოვრება და მოღვაწეობა"პრეზენტაცია გაიმართა.

პუბლიკაციაზე მკვლევართა და პუბლიცისტთა ჯგუფმა ერთობლივად იმუშავა.მასში ფართო საზოგადოებისთვის აქამდე უცნობი წერილები, ფოტო და საარქივო დოკუმენტებია შესული.

ბიოგრაფიული გამოცემა როგორც ქართულენოვან, ისე ინგლისურენოვან ტექსტებს აერთიანებს .

დამთვალიერებელს ღონისძიებაზე შესაძლებლობა ჰქონდა კომპოზიტორის ოპერიდან "აბესალომ და ეთერი“ ნაწყვეტები მოესმინა.

ზაქარია ფალიაშვილი (1871-1933წწ) -ცნობილი ქართველი კომპოზიტორი, დირიჟორი, პედაგოგი, საზოგადო მოღვაწე, საქართველოს სსრ სახალხო არტისტი, ქართული ეროვნული საკომპოზიტორო სკოლის ფუძემდებელი და კლასიკოსი იყო.

ფალიაშვილმა შექმნა ქართული ოპერის 3 განსხვავებული ტიპი: მონუმენტური ოპერა-ტრაგედია"აბესალომ და ეთერი“,ლირიკულ-დრამატული"დაისი“,გმირულ-პატრიოტული"ლატავრა.“

პრეზენტაცია თბილისის მუზეუმების გაერთიანების ორგანიზებით გაიმართა.