ახალი გამოფენით თბილისში კაშკაშებს ყოფილი საბჭოთა კავშირის მთავარი შეუმჩნეველ ფიგურა და კრიტიკოსი - მხატვარ ლევან ჭოღოშვილის ექსპოზიციას საერთაშორისო გამოცემა The Art Newspaper გამოეხმაურა

მხატვარ ლევან ჭოღოშვილის პირველ მასშტაბურ სოლო გამოფენას საერთაშორისო გამოცემა The Art Newspaper გამოეხმაურა.

„ქართველი მხატვრები ხშირად არ არიან ყურადღების ცენტრში, მაგრამ ახალი გამოფენით თბილისში კაშკაშებს ყოფილი საბჭოთა კავშირის მთავარი შეუმჩნეველ ფიგურა და კრიტიკოსი“, - წერია სტატიაში.

გამოფენა „ათინათის“ კულტურის ცენტრში გაიმართა.

ტილო, ზეთი, ტემპერა, მუყაოს ქაღალდი და შერეული ტექნიკა, 40 ნამუშევარი და 5 ვიდეო არტი - ეს მხატვრის მიერ 50 წლის განმავლობაში ყველა მედიუმში შექმნილი ნამუშევრების ყველაზე მასშტაბური გამოფენა იყო.

ჭოღოშვილის მხატვრობის თემას უმთავრესად პორტრეტი შეადგენს. მის შემოქმედებაში გვხვდება ქართველი არისტოკრატების ჯგუფური პორტრეტები, საქართველოს მეფეთა პორტრეტების სერიები, რელიგიურ თემატიკა, საქართველოს ისტორიის ამსახველი სურათები, ბერძნული მითოლოგიის პერსონაჟთა სახეები.