Jamiroquai-ს კლავიშისტი ტობი სმიტი გარდაიცვალა

ბრიტანული ჯაზ-ფოლკ-ჯგუფის Jamiroquai-ს კლავიშისტი, ტობი სმიტი 46 წლის ასაკში გარდაიცვალა. გარდაცვალების მიზეზი ჯერ ცნობილი არ არის. ამის შესახებ ინფორმაციას twitter-ზე  ჯგუფის ყოფილი ბასისიტი, სტიუარტ ზენდერი ავრცელებს.

სმიტი ჯგუფის ერთ-ერთი დამფუძნებელი  და კომპოზიციების უმეტესი ნაწილის თანაავტორი გახლდათ.

Jamiroquai-ს წევრი ის 1992 წლიდან იყო და ჯგუფი მას შემდეგ დატოვა, რაც გადაწყვიტა, მეტი დრო დაეთმო ოჯახისთვის.

Jamiroquai-მ 9 სტუდიური ალბომი გამოუშვა, რომელთაგან ერთ-ერთი -  Travelling Without Moving - გინესების რეკორდების წიგნში მოხვდა, როგორც ყველაზე გაყიდვადი ფანკის დისკი.