ამირან გამყრელიძე: Pfizer-ის მარაგიც ქვეყანაში საკმარისია და რეკომენდებულია, რომ ყველა ორსული აიცრას

ამ დროისთვის ორსულებისთვის რეკომენდებულია და დაშვებულია Pfizer-ის, Moderna-სა და AstraZeneca-ს ვაქცინები. რადგან AstraZeneca ჩვენთან დაშვებულია 45 წლის ზემოთ, ამიტომ ეს ორსულებისთვის ნაკლებად მისაღებია, - ამის შესახებ დაავადებათა ეროვნული ცენტრის ხელმძღვანელმა, ამირან გამყრელიძემ „ქრონიკასთან“ განაცხადა.

„ჩვენთან ადმინისტრირებული ვაქცინებიდან, ორსულები უნდა აიცრან Pfizer-ით, რომლის მარაგიც ქვეყანაში საკმარისია და რეკომენდებულია, რომ ყველა ორსული აიცრას“, - განაცხადა ამირან გამყრელიძემ.