გერმანიის კანცლერმა და ფედერალური მიწების ხელმძღვანელებმა კარანტინის რეჟიმიდან გამოსვლის გეგმა შეათანხმეს

გერმანიის კანცლერმა და ფედერალური მიწების ხელმძღვანელებმა კორონავირუსის გამო დაწესებული კარანტინის რეჟიმიდან გამოსვლის გეგმა შეათანხმეს. ამის შესახებ ინფორმაციას გერმანული გამოცემა Deutsche Welle ავრცელებს.

შეზღუდვების შერბილების პირველ ეტაპზე სათამაშო მოედნები, ეკლესიები, მუზეუმები და გამოფენები გაიხსნება, ხოლო სკოლების, საბავშვო ბაღებისა და სპორტული კლუბების გახსნის საკითს 6 მაისს განიხილავენ.

სათამაშო მოედნების გახსნის თარიღს თითოეული რეგიონი თავად განსაზღვრავს, ხოლო ბერლინში ბავშვები მოედნებზე თამაშს პირველი მაისიდან შეძლებენ.

რელიგიური ორგანიზაციები კვლავ შეძლებენ მსახურების ჩატარებას შეზღუდული რაოდენობის ადამიანების მონაწილეობით, რომლის დროსაც სოციალური დისტანცირების წესი უნდა იყოს დაცული.