კახა კალაძე: თუ დამატებითი ღონისძიებების გატარება აუცილებელი იქნება, ჩვენ ამას გავაკეთებთ

ჩვენ ყოველდღიურ რეჟიმში გვაქვს ერთმანეთთან კომუნიკაცია. საკოორდინაციო საბჭოს ფორმატში სხვადასხვა საკითხს განვიხილავთ და ვაკვირდებით მოვლენების განვითარებას, - ამის შესახებ თბილისის მერმა „ღია ეთერში“ განაცხადა.

კახა კალაძის თქმით, ხელისუფლება ​ეპიდემიოლოგებისა და დარგის სპეციალისტების რეკომენდაციებს ითვალისწინებს და თუ დადგება დღის წესრიგში ზომების გამკაცრება, საზოგადოებას ამის შესახებ ეცნობება.

„თუ მომდევნო დღეებში ისევ ჩვენი ჯანმრთელობის დაცვისთვის საჭირო გახდება დამატებითი ღონისძიებები გატარება, რა თქმა უნდა, ეს ყველაფერი ცნობილი გახდება საზოგადოებისთვის. ამ ეტაპზე ამის საჭიროება არ არსებობს, თუმცა ყოველდღიურ რეჟიმში იცვლება მოვლენები და მიჭირს იმაზე საუბარი, რა იქნება ხუთი დღის შემდეგ, ამიტომ დაველოდოთ, მოვლენების განვითარებას. ჩვენ ყოველდღიურ რეჟიმში გვაქვს კომუნიკაცია ერთმანეთთან და თუ დამატებითი ღონისძიებების გატარება აუცილებელი იქნება, ჩვენ ამას გავაკეთებთ“ - განაცხადა კახა კალაძემ.