„ვიშეგრადის ოთხეული“ პროგრამას იწყებს, რომლის ფარგლებში აღმოსავლეთ პარტნიორობის ქვეყნები 250 000 ევროს დახმარებას მიიღებენ კორონავირუსთან საბრძოლველად

„ვიშეგრადის ოთხეულისა“ და აღმოსავლეთ პარტნიორობის საკითხებზე ვიდეოკონფერენცია ჩატარდა. ვიდეოკონფერენციის მთავარი თემა აღმოსავლეთ პარტნიორობის მომავალს ეხებოდა ივნისში დაგეგმილი სამიტის წინ, რომელზეც სავარაუდოდ ევროკავშირის სამეზობლო პოლიტიკის ახალი ხედვა დამტკიცდება.

მინისტრები შეთანხმდნენ, რომ ისინი მხარს უჭერენ პარტნიორი ქვეყნების მისწრაფებებს, რომლებიც დაინტერესებულნი არიან ევროკავშირსა და მის ცალკეულ ბაზარზე ინტეგრაციით. ამავე დროს, მათ ხაზი გაუსვეს დემოკრატიული პრინციპების და კანონის უზენაესობის მნიშვნელობას და მხარდაჭერა გამოუხატეს სამოქალაქო საზოგადოებებს აღმოსავლეთ პარტნიორობის ქვეყნებში.

ჩეხეთის საგარეო საქმეთა მინისტრი ტომაშ პეტრიჩეკი ინიციატივით გამოვიდა „ვიშეგრადის ოთხეულის აღმოსავლეთის სოლიდარობის პროგრამა“ შეიქმნას, რომლის ფარგლებში აღმოსავლეთ პარტნიორობის წევრი ქვეყნები საქართველო, სომხეთი, აზერბაიჯანი, ბელარუსი, უკრაინა და მოლდოვა 250 000 ევროს ოდენობით დახმარებას მიიღებენ კორონავირუსთან საბრძოლველად. „ვიშეგრადის ოთხეულის“ საგარეო საქმეთა მინისტრებმა მხარი დაუჭირეს ამ შეთავაზებას.