ნაფარეული–ლაფანყურის გზის რეაბილიტაცია დასრულდა

თელავის მუნიციპალიტეტში, ნაფარეული-ლაფანყურის გზის რეაბილიტაცია დასრულდა. ინფორმაციას ინფრასტრუქტურის სამინისტრო ავრცელებს.

პროექტის ფარგლებში რეაბილიტაცია ჩაუტარდა გზის 6კმ-იან მონაკვეთსა და  მონაკვეთზე არსებულ ორ ხიდს. სამინისტროს ცნობით, ასევე მოეწყო წყალგამტარი მილები, ავტობუსის გასაჩერებელი მოედანი, გადასასვლელები, ადგილობრივ გზებთან მიერთებები და მოსახლეობის ეზოებში შესასვლელები.

სამუშაოების საერთო ღირებულება 3 მილიონ ლარამდეა.