ბათუმში აგროსასურსათო პროდუქციის საერთაშორისო გამოფენა გაიხსნა

ბათუმში მე-8 საერთაშორისო აგროსასურსათო პროდუქციის და ტექნოლოგიების გამოფენა-გაყიდვა, Agro Batumi 2018 გაიხსნა.

საერთაშორისო გამოფენაში ადგილობრივი და უცხოური (პოლონეთი, უკრაინა, თურქეთი, ირანი, ნორვეგია) კომპანიები მონაწილეობენ.

სამი დღის განმავლობაში მწარმოებლები თავიანთ პროდუქციას დამთვალიერებლებს გააცნობენ.

Agro Batumi 2018-ს აჭარის ფინანსთა და ეკონომიკის მინისტრი ჯაბა ფუტკარაძე, მინისტრთა კაბინეტის წევრები, აჭარის უმაღლესი საბჭოს თავმჯდომარე დავით გაბაიძე და მთავრობის სხვა წარმომადგენლები ესწრებოდნენ.

გამოფენა კომპანია GEONET EXPO– ს და აჭარის სოფლის მეურნეობის სამინისტროს ორგანიზებით იმართება.

Agro Batumi 2018 14 ოქტომბერს დასრულდება.