Bloomberg: კირილ შამალოვი პუტინის ქალიშვილს გაშორდა და კომპანიის აქციები გაყიდა

Bloomberg-ის ცნობით, ფონდ “ინოპრაქტიკის“ ხელმძღვანელი ეკატერინე ტიხონოვა, რომელსაც პუტინის უმცროს ქალიშვილს უწოდებენ, ნავთობქიმიური კომპანია “სიბურის“ მმართველობის წევრს, კირილ შამალოვს დაშორდა. ამ უკანასკნელმა კომპანიის აქციების მსხ ვილი პაკეტი ჯერ კიდევ გასული წლის აპრილში გაყიდა. Bloomberg-ი ვარაუდობს, რომ ეს აქციები პუტინის გარემოცვის მხრიდან ნდობის გარანტია იყო.

შა მალოვი, Reuters-ის მიერ 2015 წელს გამოქვეყნებული ჟურნალისტური გამოძიების თანახმად, ნავთობქიმიური კომპანიის ვიცე-პრეზიდენტი 2008 წელს, 26 წლისა გახდა. მას შემდეგ, მთელი მისი კარიე რა “სიბურთან“ იყო დაკავშირებული.

შამალოვი წარმოშობით სანკტ-პეტერბურგიდანაა. მამამისი ვლადიმერ პუტინის დიდი ხნის ნაცნობია, მათ 90-იანების დასაწყისში ერთობლივად სააგარაკე კოოპერატივი “ტბაც“ ჩამოაყალიბეს. ნიკოლაი შამალოვი ბანკ “რუსეთის“ აქციების 10%-ის მფლობელია. ეს ბანკი ამერიკული სანქციების ქვეშ მოხვდა სწორედ იმ მიზეზით, რომ პუტინის გარემოცვას ეკუთვნის.

შამალოვის ძმაც ბიზნესმენია. ის 2008 წელს ფონდ “ გაზფონდის“ თავმჯდომარე იყო, რომლის საკუთრებაშიც გახლდათ “სიბური“.

სიბურის მესაკუთრეები გენადი ტიმჩენკო და ლეონიდ მიხელსონი არიან. ტიმჩენკოც პუტინის ახლო მეგობარია და ამ მეგობრობის გამო, მასაც შეეხო ამერიკული სანქციები.

დასაწყისში კირილ შამალოვს აქციების მხოლოდ 4,3% ერგო, როგორც ერთ-ერთ ტოპმენეჯერს. თავის ინტერვიუში, 2015 წელს ის აცხადებდა, რომ წახალისებად მას შესთავაზეს აქციები, ან ფულადი ბონუსები, მან კი ეს არჩევანი გააკეთა.

მომდევნო მსხვილი პაკეტი - 21,3% შამალოვმა 2014 წელს გენადი ტიმჩენკოსგან შეიძინა (ცოტა ხნით ადრე მან ვიცეპრეზიდენტის პოსტი დატოვა კომპანიაში) . მან ამისათვის კრედიტი აიღო გაზპრომბანკიდან, სადაც ტოპმენეჯმენტში მისი ძმა მუშაობს.

Reuters-ის ცნობით, ტიმჩენკოსა და შამალოვს შორის მოლაპარაკებები წილზე მალევე დაიწყო მას შემდეგ, რაც შამალოვმა 2013 წლის თებერვალში ფონდ “ინოპრაქტიკის“ ხელმძღვანელზე ეკატერინე ტიხონოვაზე იქორწინა, რომელსაც მედიის დიდი ნაწილი, მათ შორის Bloomberg-ი და Reuters-ი პუტინის უმცროს ქალიშვილად მოიხსენიებს.

მათი ქორწილი ლენინგრადის ოლქის ერთ-ერთ კურორტზე შედგა, სადაც ახლადდაქორწინებულები თეთრცხენებშებმული ციგებით მივიდნენ. სტუმრებსა და პერსონალს ქორწილის შესახებ საუბარი აუკრძალეს.

როგორც ზემოთ უკვე ითქვა, გასული წლის აპრილში შამალოვმა, თავის დროზე ტიმჩენკოსგან შეძენილი აქციები მეორე ძირითად მესაკუთრეს, მიხელსონს მიჰყიდა, თავად კი მხოლოდ 3,9% დარჩა, თითქმის იმდენი, რამდენიც მას ტოპმენეჯერობის დროს ჰქონდა.

მომხდარი Bloomberg-მა, წყაროზე დაყრდნობით, იმით ახსნა, რომ შ ამალოვმა პუტინის მეგობარ ტიმჩენკოსგან აქციები მიიღო, როგორც პრეზიდენტის გარემოცვის ნდობის გარანტი, ტიხონოვასთან დაშორების შემდეგ კი მან ეს აქციებიც დათმო ისე, რომ მოგება არ მიუღია. თუმცა გამოცემასთან სხვა წყარო ამ ვერსიას უარყოფს და აცხადებს, რომ თავის დროზე ამ აქციების შეძენა წარუმატებელი ინვესტიცია იყო, რითაც შამალოვმა სარგებელი ვერ მიიღო.

ამის მიუხედავად, პუტინის ყოფილ ე.წ. სიძის ქონება, “სიბურის“ აქციების დაკარგვის შემდეგ, მაინც სოლიდურია და 800 მილიონი დოლარია.