GITA სამცხე-ჯავახეთისა და შიდა ქართლის რეგიონებში საგრანტო კონკურსს „25 000 ლარამდე ინოვაციების გრანტები რეგიონებისთვის“ აცხადებს

ეკონომიკისა და მდგრადი განვითარების სამინისტროს ინოვაციების და ტექნოლოგიების სააგენტო (GITA) საგრანტო კონკურსს „25 000 ლარამდე ინოვაციების გრანტები რეგიონებისთვის“ ამჯერად სამცხე-ჯავახეთისა და შიდა ქართლის რეგიონებიდან წარდგენილი პროექტებისთვის აცხადებს.

სააგენტოს ინფორმაციით, პროგრამა განკუთვნილია ფიზიკური და იურიდიული პირებისთვის, რომლებიც მუშაობენ ინოვაციურ მოწყობილობასა ან/და პროგრამაზე და სამცხე-ჯავახეთის ან შიდა ქართლის რეგიონში ეწევიან ან გეგმავენ ეკონომიკურ საქმიანობას.

„პროგრამის მიზანია საქართველოს რეგიონებში ადგილობრივი ინოვაციური და ტექნოლოგიური ეკოსისტემის გაძლიერება, ასევე ინოვაციური პროდუქტების, მომსახურების, ტექნოლოგიებისა და პროცესების შემუშავების, ათვისებისა და კომერციალიზაციის გზით ინოვაციური და ტექნოლოგიური სტარტაპების შექმნა.

განაცხადების წარდგენის ბოლო ვადაა 2026 წლის 2 ნოემბერი. განაცხადები მიიღება ელექტრონული პორტალის grants.gov.ge მეშვეობით შემდეგ ბმულებზე:
სამცხე-ჯავახეთის რეგიონი: https://grants.gov.ge/ka/გრანტები?call=344
შიდა ქართლის რეგიონი: https://grants.gov.ge/ka/გრანტები?call=343“, - აცხადებენ სააგენტოში.