ბაზრებსა და უბნის მაღაზიებში გასაყიდად გამოტანილ ყველში საშიში ბაქტერიები აღმოჩნდა

რძის პროდუქტების მწარმოებელთა ასოციაცია მოსახლეობას აფრთხილებს, რომ სავაჭრო ობიექტებში გასაყიდად გამოტანილი არაეტიკეტირებული ყველი, ხშირ შემთხვევაში, სახელმწიფოს მიერ განსაზღვრულ ნორმებს არ აკმაყოფილებს.

ორგანიზაციამ კვლევის შედეგები გამოაქვეყნა, რომელიც საგანგაშოა. არაეტიკეტირებული 9 ყველიდან შვიდში მცენარეული ცხიმი აღმოჩნდა. ტექნიკური რეგლამენტის მიხედვით კი ამ შემადგენლობის რძის პროდუქტს ყველი არ ეწოდება. არსებული ინფორმაციით, ბაზრებსა და უბნის მაღაზიებში გასაყიდად განთავსებული ყველი მიკრობიოლოგიურად დაბინძურებულია. მიკრობიოლოგიური დაბინძურების ფაქტები დაფიქსირდა ქსელურ მარკეტებშიც.

თბილისის სხვადასხვა ობიექტში გასაყიდად გამოტანილი ყველის 15 ნიმუშიდან 12-ში სახელმწიფოს მიერ განსაზღვრული წესები და ნორმები დაცული არ არის.

შესწავლილ ნიმუშებში ადამიანის ჯანმრთელობისთვის სახიფათო ბაქტერიებიც აღმოჩნდა.