შალვა პაპუაშვილი: ჩვენი გეგმაა, რომ 2028 წლისთვის უმუშევრობა 4%-ის ფარგლებში იყოს, ჩვენ ამ გეგმისკენ მივდივართ და ამას მივაღწევთ - როცა ვსაუბრობთ ჩვენს ეკონომიკური ზრდის ტემპებზე, ყველა თეთრი შურით უყურებს საქართველოს

ჩვენი გეგმაა, რომ 2028 წლისთვის უმუშევრობა 4%-ის ფარგლებში იყოს, ჩვენ ამ გეგმისკენ მივდივართ და ამას მივაღწევთ, - განაცხადა მედიასთან საქართველოს პარლამენტის თავმჯდომარემ, შალვა პაპუაშვილმა.

მისივე თქმით, 6,5-მილიარდიანი ინვესტიციის ერთ-ერთი შედეგი სწორედ ეს იქნება, რომ შეიქმნება 24 ათასი სამუშაო ადგილი.

„ყველგან, საქართველოს აქვს პროგრესი, მათ შორის ეკონომიკური განვითარებით. გუშინ გახლდით ბულგარეთში და ჩემს ბულგარელ თუ სხვა კოლეგებთან როცა ვსაუბრობდი ჩვენს ეკონომიკური ზრდის ტემპებზე, ყველა თეთრი შურით უყურებს საქართველოს, ვინაიდან ასეთი ზრდის ტემპები არავის აქვს,იცით, რომ ევროკავშირი გაჩერებულია ერთ ადგილას, უკვე წლებია“, - აღნიშნა შალვა პაპუაშვილმა.