ფინანსთა მინისტრი: მოზიდული თანხების სიუხვე ჩვენი პასუხისმგებლიანი მაკრო და ფისკალური პოლიტიკის დამსახურებაა

საქართველო ერთ-ერთი პირველია, სადაც დასახმარებლად თანხები გადმოირიცხება და ხელშეკრულებები დაიდება. ჩვენ ვიქნებით ერთ-ერთი ყველაზე მსხვილი მიმღები, იმ ქვეყნებს შორის, რომლების შესადარია ჩვენი ეკონომიკური მდგომარეობის - ამის შესახებ ივანე მაჭავარიანმა „ღია ეთერში“ ისაუბრა.

ფინანსთა მინისტრმა განმარტა, რამ განაპირობა კრიზისთან გასამკლავებლად მოზიდული თანხების სიუხვე და როგორ გადანაწილდება ის.

„ბოლო რამდენიმე წელია, ჩვენი მაკრო და ფისკალური პოლიტიკა, იყო უკიდურესად პასუხისმგებლიანი. ამას სრული პასუხისმგებლობით გეუბნებით. ეს არაერთხელ აღნიშნა, როგორც სავალუტო ფონდმა, ისე სხვა ორგანიზაციებმაც. იმან, რომ საქართველოს ჰქონდა სავალუტო ფონდთან აქტიური პროგრამა, ითამაშა გადამწყვეტი როლი. ამ პროგრამას ვადა გასდიოდა 21 აპრილს და ჩვენ შეგვეძლო აგვეღო პაუზა. ჩვენ ცარჩან მივიღეთ 1 წლით გადავადების გადაწყვეტილება. ამა მოგვცა საშუალება, რომ დღეს გაცილებით სწრაფად მიიღეს გადაწყვეტილება მსოფლიო ბანკმა, აზიის განვითარების ბანკმა და სხვა დონორმა ორგანიზაციებმა. არის პროგრამა, ყველა ვალდებულება სრულდება, სვალუტო ფონდიდან არის დასტური, რომ კარგი ტემპით მივდივართ, რეფორმებს ვახორციელებთ, ვართ ძალიან პასუხისმგებლიანები, ამიტომ გვენდნენ. ახლა ის ქვეყნები, რომელთან ჩვენზე არანაკლებ გაუჭირდათ და ეს პროგრამა არ აქვთ, გაივლიან გაცილებით გრძელ გზას, რომ მივიდნენ იმ თანხებამდე. თანხების გადმორიცხვა უკვე დაიწყება ნელ-ნელა. პირველი იქნება მსოფლიო ბანკის ტრანში, სავალუტო ფონდიდან, აზიის განვითარების ბანკიდან, ეს 2-3 თვის ვადაში. შემდეგ იქნება გერმანიის განვითარების ფონდი, საფრანგეთის განვითარების ფონდი და რაც მთავარია ევროკავშირი, რომელიც იყო ერთ-ერთი პირველი ვინც თანხაა დაასახელა. ევროკავშირს გამოყოფილი თანხაში არის ასევე საკმაოდ მსხვილი საგრანტო კომპონენტიც, ასევე რეკონსტრუქციისა და განვითარების ბანკი იბეარდი. 3 მილიარდიდან, მილიარდ ნახევარი იქნება სახელმწიფოს სუვერენული დახმარება, დაფინანსება და მეორე ნახევარი კერძო სექტორიში. დაახლოებით მილიარდ ასამდე წავა ბანკებში და მათ ლიკვიდურობას მოხმარდება. რამდენიმე ასი მილიონი კი ე.წ. რელურ სექტორში მოხვდება, ანუ კონკრეტულ კომპანიებს დაეხმარებიან“, - განაცხადა მაჭავარიანმა.