მაია ცქიტიშვილი: თვითდასაქმებულებისთვის კომპენსაციის მიღების პროცედურები რამდენიმე დღეში გახდება ცნობილი

თვითდასაქმებულებისთვის კომპენსაციის მიღების პროცედურები რამდენიმე დღეში გამოქვეყნდება, - ამის შესახებ ინფრასტრუქტურისა და რეგიონული განვითარების მინისტრმა მაია ცქიტიშვილმა ტელეკომპანია „იმედის“ ეთერში გადაცემაში „ქრონიკა“ განაცხადა.

„ჩვენ მივაწვდით ადამიანებს ინფორმაციას ვის უნდა მიმართონ და რა უნდა გააკეთონ. ყველა ის დასაქმებული, ვინც რაიმე სახის დეკლარაციას აბარებდა საშემოსავლო სამსახურში, ინდმეწარმედ იყო დარეგისტრირებული, მას არ სჭირდება დამატებით ინფორმაციის წარმოდგენა, რომელიც ადასტურებს მის ეკონომიკურ საქმიანობაში ჩაბმულობას. ვინც არ იყო, მათ მოეთხოვებათ რაიმე ფორმით, ვერ განვსაზღვრავთ ამ ფორმებს, რადგან ასეთი ადამიანების დასაქმების სახეობები არის განსხვავებული. მაგრამ ჩვენ დაგვჭირდება დასტური იმისა, რომ ეს ადამიანები არ იყვნენ უმუშევრები. თუ ეს არიან ბაზრობაზე დასაქმებული პირები, მათ უნდა ჰქონდეთ იურიდიული პირიდან, რომ ეს ადამიანები ვაჭრობდნენ ან ეკუთვნოდათ სავაჭრო ფართი. თუ ვგულისხმობთ სატრანსპორტო სფეროს, ჰქონდათ შრომითი ხელშეკრულება, ან რაიმე სახის ჩარიცხვა იურიდიული პირებიდან, რომელიც დაადასტურებს იმ ფაქტს, რომ ეს ადამიანები ასეთი ტიპის საქმიანობას ეწეოდნენ. ჩვენ არ ვაპირებთ დიდი ბიუროკრატია შევქმნათ. ჩვენ ვიქნებით მაქსიმალურად მოქნილები“, - აღნიშნა მაია ცქიტიშვილმა