ავღანეთში, ჰელმანდის პროვინციაში შირგაზას ბაზაზე 13 მაისს ქართულ ბატალიონზე მასშტაბური თავდასხმა მოხდა, რასაც მე-4 ბრიგადის 42 ბატალიონის სამხედროები - კაპრალი ალექსანდრე კვიწინაძე, უმცროსი სერჟანტი ზვიად დავითაძე და კაპრალი ვლადიმერ შანავა შეეწირნენ. დაღუპული გმირები სამშობლოში დღეს ჩამოასვენეს. 16 მაისი გლოვის დღედ გამოცხადდა. დაშვებულია დროშები და გადაიდო ყველა გასართობი ღონისძიება. თბილისის საერთაშორისო აეროპორტში ქართველი გმირების გადმოსვენების ცერემონიას თავდაცვის მინისტრი ირაკლი ალასანია დაესწრო.