ისტორია, რომელსაც კიდევ ერთხელ გაგახსენებთ ტელეკომპანია ,,იმედის" ეთერში, დაახლოებით, ერთი თვის წინ გავიდა. ბიზნესმენი და მისი ოჯახის ახლობლები დეტალურად ყვებოდნენ იმის შესახებ, როგორ წაართვა სახლი ყოფილმა პრემიერმა ბიზნესმენს. დღეს მერაბიშვილს ბრალს არა მხოლოდ ქონებაწართმეული ბიზნესმენი სდებს, არამედ გამოძიებაც. ,,ვარდების რევოლუციის“ შემდეგ ბიზნესმენ ზურაბ ლობჟანიძესა და მის სიდედრს ფატი ფერაძეს გადასახადების დამალვაში მოედავნენ და პატიმრობაც მიუსაჯეს. მათ ფეშენებელურ სახლს კვარიათში კი ვანო მერაბიშვილი დაეპატრონა. სხვის სახლში ექს–პრემიერი, მისი ოჯახის წევრები და ახლობლები მას შემდეგ აღარ გამოჩენილან, რაც მერაბიშვილი ოპოზიციაში გადავიდა. კერძო საკუთრების ჩამორთმევის ისტორიის დეტალები ვრცლად ,,ქრონიკის“ ექსკლუზივში.